Vëzhgohet cilësia e mësimdhënies në UEJL

Sivjet si asnjëher më parë Univesriteti i Evropës Juglindore i kushton rëndësi përmirësimit të cilësinë së procesit të mësimdhënies. Ekspertë ndërkombëtarë do të vëzhgojnë gjithsecilin: asistentët, profesorët, dekanët, prodekanët, asnjëri nuk do të jetë i kursyer.
Për këtë qëllim në hapësirat e Universitetit në maj të vitit 2007 filloi me punë Zyra për Sigurimin e Cilësisë, e cila ka marrë përsipër të vëzhgojë procesin e mësimdhënies.
”E rëndësishme për Universitetin është se vazhdimisht planifikon të përmirësohet; e di çfar dëshiron të bëjë, nuk thonë se janë perfekt, por nuk thonë se nuk mund të përmirësohen dhe mbi të gjitha e dinë mënyrën si ta bëjnë këtë. Konsultohen me njerëz, me studentët, stafin, prorektorët, stakeholders, marrin opinionet e të gjithëve vetëm që të shkohet drejt përmirësimit, dhe kjo është cilësi,”- tha Znj. Heather Henshaw, këshilltare në Zyrën për Sigurimin e Cilësisë.
Në fillim u praktikua faza përgaditore, në të cilën u vlerësuan dhe u reformuan procedurat, kështu që çdonjëri pati mundësi të konsultohet dhe të përmirësohet. Pas përfundimit të sukseshëm të kësaj faze, me fillimin e vitit akademik 2007-2008 filloi faza e aplikimit të vëzhgimit, e cila përfshin vëzhgimin e stafit të pesë fakulteteve dhe Qendrën e Gjuhëve.
“Ne nuk kritikojmë asnjë, nuk i themi se nuk është i mirë dhe se do të humbi punën, pasi çdokush dëshiron të vazhdojë përpara duke u përmirësuar dhe duke mësuar, sepse ashtu si studentët çdokush në Universitet duhet të jetë nxënës i përjetshëm. Profesorët duhet të jenë nxënës të përjetshëm”, tha Znj. Heather. Ajo shtoi se zyra bashkëpunon me Qendrën për Përkrahje të Mësimdhënies ( Instructional Support Center) për të ofruar trajnime për stafin, përsëri me qëllim të përmirësimit të gjërave.
Raporti i përgjithshëm i këtij vëzhgimi do të publikohet në faqen e internetit të Universitetit. Ai do të përmbajë të dhëna dhe vlerësime për cilësinë e Universitetit, kurse raportet individuale të mësimdhënësve nuk do të publikohen, por raporti për ata do të dërgohet te përgjegjësi i stafit përkatës, Fakulteti dhe në Zyren për Sigurimin e Cilësisë .


(Flutra Ahmedi dhe Edlira Palloshi - studente të vitit IV, Fakulteti i Komunikimit

Universitet veror - edhe sivjet

Universiteti Veror Ndërkombëtarë Maqedonia (ISUM) është universiteti më i madh në Europë dhe pranon çdo vit 700 studentë, profesorë dhe personelë nga mbarë Europa. Kurset ligjërohen nga profesorë ndërkombëtarë të universiteteve europiane me renome dhe profesorë të dalluar nga Maqedonia.Përveç kurseve janë të organizuara edhe debate, aktivitete rekreative dhe ndeshje sportive.
Në vitin 2006, universiteti veror u mbajt në Universitetin e Europës Juglindore në Tetovë dhe u organizua nga katër universitete të Maqedonisë në bashkëpunim me organizatën joqeveritare ATA. Në përgjithësi aplikuan 3361 studentë nga 60 shtete te ndryshme por u pranuan 556, prej të cilëve 435 e mbaruan kursin dhe fituan (ISUM) çertifikatë dhe kredite. Organizata ATA shpërdau 390 bursa për studentë nga Europa Juglindore dhe Maqedonia me strehim dhe ushqim falas në kampusin e UEJl-së.
Në bashkëpunim me fakultetet e Juridikut, Administratës Publike, Ekonomikut, Administratës së Biznesit, Pedagogjikut në kuadër të universiteteve të Shkupit, Tetovës dhe Manastirit, ATA organizon edicionin e tretë të Universitetit Veror Internacional të Maqedonisë(ISUM). Ky organizim do të mbahet prej 9-22 korrik në Manastir, dhe do të përbëhet nga 20 kurse dyjavore që i kushtohen arritjeve më të fundit sociale dhe teknologjike dhe praktikave të shquara botërore të fushës ekonomike, biznesit, drejtësisë, administrimit publik dhe pedagogjisë. Gjithashtu edhe këtë vit do të organizohen debate publike dhe programe shoqërore. Debatet publike do te jenë të organizuara mbi temat aktuale lidhur me arsimin e lartë, Procesin e Bolonjës si dhe Marrëveshjen e Ohrit. Zgjedhja e studentëve nga Maqedonia do të bëhet duke u bazuar në notën mesatare dhe zotërimin e gjuhës angleze, kurse studentët nga jashtë do të zgjedhen duke u bazuar në vitin e studimit dhe zotërimit të gjuhës angleze.
ISUM jep mundësi studentëve që të participojnë në mësim interaktiv, në punë praktike me të cilat studentët do t’I ushtrojnë aftësitë pratike dhe do tu ndihmojë për vënien e ECTS në praktikë. Studentët të cilët së paku do të marin pjesë në pesë punë praktike dhe do të kontribojnë aktivisht në sesione do të fitojnë “çertifikate të Universitetit Veror” në pajtueshmëri me 3 ECTS kredi(Sistem Europian I Transferit të Kredive). Strehimi, udhëtimi dhe ushqimi do të jenë të mbuluara me ndihmat financiare që do tu ipen studentëve nga Maqedonia dhe 100 studentëve nga Europa juglindore. Pagesa për pjesëmarrje është 10 euro.

Këna arabe - Tradite shqiptare

Të shkosh në një ceremoni martesore (dasëm), në familjet shqiptare, përveç se shihet mikëpritja, bujaria, ritualet kombëtare dhe ato fetare, pa dyshim se mes tjerash do të hasësh në një ritual shumë të vjetër- "vënia e kënës".
Ky pluhur që shëndrrohet në një brum dhe të lë një shenjë në dorë, tek ne përdoret nëpër dasma dhe në disa fshatra përdoret edhe për zbukurime të duarve dhe ngjyrosjen e flokëve. Në dasmat e trevave tona si zakon mjaft i vjetër është lyerja e pëllëmbës së dorës me kënë. Kështu lyhet dora e nuses dhe dora e vajzave të cilat janë të pranishme në dasëm. Këna në dorën e një Femre tregon për pjekurinë e saj seksuale dhe mentale, tregon se ajo është e gatshme të bëhet nuse!
Mendohet se ajo në Evropë filloi të vijë me tregëti nga Afrika veriore dhe Azia jugore gjatë fillimit të shekullit të nëntëmbëdhjetë XIX. Në të vërtetë.Këna filloi të përdoret prej në kohën e Bronzit, për ngjyorsje të flokëve, trupit dhe në mjekësi. Si bimë medikamentoze Këna është përdorë për shkak të efekteve të saja antihemoragjike(kundër gjakëderdhjes), antikanceroze për traktin gastrointestinal, kardio-inhibitore, hipotensionit(për ulje të tensionit) dhe sedative(efekti i qetësimit të organizmit). Ekstraktet e Kënës tregojnë aktivitete antibakterore, antikërpudhore dhe kundër rrezeve ultravjollce.Aroma e luleve të kënës shpeshherë është përdorur për përftimin e erërave (parfumeve) për gratë dhe burrat. Kjo arrihet duke i vendosur fletët e lules në nje lloj vaji. Populli I indisë Kënën e perdor në ceremonitë martesore, ato mortore, dhe në ceremoni të tjera fetare. E njëjta ndodh edhe me popullin arab, por në këtë të dytin Këna fillon të përdoret me të madhe pas shfaqjes në skenë të pejgamberit Muhamed.Ajo përmendet në disa thënie (hadithe) të pejgamberit të muslimanëve.
Ekzistojnë disa mendime se si dhe kur Këna filloi të përdoret në Ballkan, më saktë në popullatën shqiptare.Mendimet më të besueshme mund të jenë dy.Disa mendojnë se ajo filloi të përdoret në kohën kur feja islame filloi me të madhe të përhapet ndër shqiptarët. Disa të tjerë mendojnë se Këna erdhi këtu dhe filloi të përdoret në kohën kur Aleksandri I madh filloi të pushtonte Afrikën e Azinë.
KENA, HENNA, HINA ose siç e quajnë shkencëtarët Laësonia inermis ose L. alba, është një bimë me lule e cila rritet në pjesët tropikale dhe subtropikale të Afrikës, Azisë jugore dhe pjesëve veriore të Australisë.Këna është një shkurre, ose dru i vogël, 2-6 m i gjatë.Bima ka ngjajshmëri me bimën e limonit, Lënda kryesore e bimës gjendet në gjethet e saja. Bima duhet të rritet në temperatura mbi 11 gradë celcius.